لحــــظة حـــداد
الخميس أكتوبر 20, 2011 12:48 pm
الشمس
حجبت ضيها عنى
عرت جراحى ع الطريق
لميت دموعى من عيون الناس
كفنتها بيا
بكيت
مات البكى جوايا
واندفن فيا
ياللى عاشقانى وعاشقك
غصب عنى
دمعة باتت جوة عينك
ضحكة ماتت فوق شفايفك
ليه بتجرى عليا وتشدى دراعاتى
عرى عجزى
والمحى ضهرى اللى محنى
اسمعى قلبى اللى اخره يدق بيكى
دقتين والتالتة اسمك
دمعتين والتالتة دم
ليه ف قلبى ترمى حبك
وانتى عارفة الحب هم ؟
انا
ماهوش ذنبى بانى بحلمك حرة
ولا ذنبك
بانك توهبى صورتى
شريطة سودة من برة
وتبكينى
وانا الراضى أعيش ميت ...
يادمعة قلبها المكسور
بلاش تيجى على جرحى
بلاش تكوينى بزيادة
بلاش تتكى ع الاوجاع
مانش هاقدر
وطن اخره يكون فيا
اقول هاحلم
يقولوا الناس متحلمشى
اقول حرة
يقولوا اسكت
بغير الذل مش عايزين
هنسكنها كما هيا
بعسكرها وسجانها
وطعم المر جواها
وانا وحدى
بحارب ف الفضا لاجلك
واحارب ف الجميع لاجلك
وجوة السجن بشتاقلك
وبشتاق
تلمسى جبينى
تقوينى
واسمع صوتك المغلوب على امره بيوعدنى
بكرة راجع
غصب عنهم
غصب عن كل اللى راضى بدمعتى
فجر طالع من عيون الغلبانين
من خيوط ليل الحزانى
من دما كل اللى امنوا بانى راجعة
ياكل من خاف يرتكب جرم المحبة
وارتضى يدفى عضامه بالهوا
لما تفتكروا الوطن
لحظة حداد
ف الموت حياه
اصرخ بصوتك وانتفض
عاند وعاكس الاتجاه
حجبت ضيها عنى
عرت جراحى ع الطريق
لميت دموعى من عيون الناس
كفنتها بيا
بكيت
مات البكى جوايا
واندفن فيا
ياللى عاشقانى وعاشقك
غصب عنى
دمعة باتت جوة عينك
ضحكة ماتت فوق شفايفك
ليه بتجرى عليا وتشدى دراعاتى
عرى عجزى
والمحى ضهرى اللى محنى
اسمعى قلبى اللى اخره يدق بيكى
دقتين والتالتة اسمك
دمعتين والتالتة دم
ليه ف قلبى ترمى حبك
وانتى عارفة الحب هم ؟
انا
ماهوش ذنبى بانى بحلمك حرة
ولا ذنبك
بانك توهبى صورتى
شريطة سودة من برة
وتبكينى
وانا الراضى أعيش ميت ...
يادمعة قلبها المكسور
بلاش تيجى على جرحى
بلاش تكوينى بزيادة
بلاش تتكى ع الاوجاع
مانش هاقدر
وطن اخره يكون فيا
اقول هاحلم
يقولوا الناس متحلمشى
اقول حرة
يقولوا اسكت
بغير الذل مش عايزين
هنسكنها كما هيا
بعسكرها وسجانها
وطعم المر جواها
وانا وحدى
بحارب ف الفضا لاجلك
واحارب ف الجميع لاجلك
وجوة السجن بشتاقلك
وبشتاق
تلمسى جبينى
تقوينى
واسمع صوتك المغلوب على امره بيوعدنى
بكرة راجع
غصب عنهم
غصب عن كل اللى راضى بدمعتى
فجر طالع من عيون الغلبانين
من خيوط ليل الحزانى
من دما كل اللى امنوا بانى راجعة
ياكل من خاف يرتكب جرم المحبة
وارتضى يدفى عضامه بالهوا
لما تفتكروا الوطن
لحظة حداد
ف الموت حياه
اصرخ بصوتك وانتفض
عاند وعاكس الاتجاه
صلاحيات هذا المنتدى:
لاتستطيع الرد على المواضيع في هذا المنتدى