عــ 3rB-MiXــرب ميكس



احدث الافلام العربيه والاجنبيه احدث الاغانى واجدد الكليبات مكتبة كامله للبرامج والالعاب قسم خاص للشعر والادب لم نجد من ينافسنا فتحدينا انفسنا
 
الرئيسيةس .و .جبحـثالمجلهدخولالتسجيل

سجل ايميلك ليصلك جديد المنتدى

Delivered by FeedBurner


شاطر | 
 

 ((حـــنيــن))

اذهب الى الأسفل 
كاتب الموضوعرسالة
MaSrY

عــندمـا تــعشقــ الشيكـولاتـة


عــندمـا تــعشقــ الشيكـولاتـة
avatar



عدد المساهمات : 2283
الاوسمه :
تاريخ التسجيل : 19/07/2008
عدد النقاط : 40120

مُساهمةموضوع: ((حـــنيــن))   الأربعاء نوفمبر 02, 2011 5:03 pm

فاكرك
كأنك لسة قدامى بتحكيلى
عن العمر اللى قضيته على الجبهة
عن الشوق اللى ساكن بين ضلوع صدرك
لحضن الدار
عن الحلم اللى مات مقتول بموت ناصر
وعن ضحكك مع اصحابك
بلون الصبر جوة النار
فاكرك
وبلمح صورتك المرسومة فوق رشح الجدار
اجرى عليها وابتسم
ماتبتسم
ابكى
تئن ف قلبى اوجاعك
هنا
كنت انتظر دخلتك م الباب
كان دايما اجرى عليك واسلم
امسك ايديك الطيبة بايدى
وابوسها
هنا
كنت اجى هربان من ابويا واستجيرك
حتى الوجع
الى ف ملامحك م الحياة
مرسوم قصادى
تنهيدة فيها خشوع مع كل سجدة صلاة
انة الم مع كل تقليبة منام

جدى
يامن زرعنى فى الحياة
يامعنى انى اكون انا
علمتنى
ازاى احب
ازاى احن
وازاى اموت لاجل الوطن
كلمتنى
عن ناصر الفارس
عن مصر خارجة صبية تتمايل
تركب على ضهر الزمن
فاردة دراعها للحياة
عن حلم عاشه الشاب والشايب
لسة فاكر
قعدتك ع الكنبة تقرا ف الجورنال
ولو تعرف
انا لسة بجيب جورنالى كالعادة
وبستناك تقول هاته
وبستنى تمد ايديك على كتفى
تقولى ازاى اكون راجل
واعيش راجل
وتنصحنى ما اكون كداب
انا لسة
براقب دخلتك م الباب
وبمشى لوحدى ف الشارع كما الماضى
لعلك تمشى ويايا لحد البيت
ولو تعرف
انا يمكن بعيد عنك
لكنك لسة جوايا
يشوفك وانت بتصلى
واشوفك ع السرير نايم
وبسمع صوتك المليان بحنية
بجيلك
لو يزيد الحمل فوق كتفى
ابوس ايدك
الم حمولى م الدنيا
وارميها على كتافك

بعافر ف الجميع الاك
واعاند ف التعب وياك
اخاف تنده
ولا اسمعشى
واخاف صوتى يكون عالى
تقوم م النوم
انا لسة بفكر فيك
وقاعد برضة مستنيك
تجينى ف يوم



عدل سابقا من قبل MaSrY في الثلاثاء نوفمبر 08, 2011 1:10 am عدل 2 مرات
الرجوع الى أعلى الصفحة اذهب الى الأسفل
http://www.3rbmix.yoo7.com
الحلم المستحيل

مشرف عام


مشرف عام
avatar



عدد المساهمات : 952
الاوسمه :
@sms& : إأنأإ فِيــ إأهوأإ مٌتِحكِمُــ مٌتسلِطُــ

فيِــ كلِــ عشقِــ نكههـــ استعماريـــ
تاريخ التسجيل : 18/01/2009
عدد النقاط : 36731

مُساهمةموضوع: رد: ((حـــنيــن))   الأربعاء نوفمبر 02, 2011 5:14 pm

مستواها جاااااااااااااااااااااااامد
احساسها اجمد
تعبيراتها حلوة قووووووووووووووووووووى


الله يرحمه


take my hands
w'll walk awhile
w'll talk awhile
feel my love
الرجوع الى أعلى الصفحة اذهب الى الأسفل
 
((حـــنيــن))
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عــ 3rB-MiXــرب ميكس :: الادب والشـــعر :: الشعر-
انتقل الى:  
الساعة الأن  بتوقيت (مصر)
جميع الحقوق محفوظة
عرب ميكس
 {powered by info@3rbmix.com}
حقوق الطبع والنشر©2011 - 2010