رثاء التوك توك التكاتك فى مصر

الواد ابني عطيه.. معاه شهاده جامعية
عاوز يسافر إيطاليا.. صرخت أمه فيه
سوقت عليك الأوليه.. ما تجيب السيرة ديه
علي جثتي السفرية.. دا اللي يموت ما له ديه
الواد محتار في الشارع ليل ونهار.. والعيشة مرار
الواد عاله.. وعلينا عواله
وفي الليلة نفسها.. اجتمعت العيلة
دا الواد الحيلة.. وعايشين بالتيله
وشاف خاله نصيف.. الحل في عمل شريف
يلمه من ع الرصيف..
وقالي عنده فكره .. للزمن ولبكره
نشتري له توك توك.. يبدأ حياته ويسلك.
وعملنا جمعيه من جيراني وحواليه.. قبضناها الاولانيه
وسلسلة أمه المستخبيه.. اللي شيلاها للأيام الجاية
وسُلفه من جارتنا بهيه.. والباقي أقساط وكمبيلات، وشيكات
صبح الواد شغال.. ومشي الحال وفرجت وعال العال
وفي ليله ما فيها نور.. صدر أمر المرور بمنع التوك توك من الظهور
في الشارع بأمر المأمور.. وألا تقع في المحظور
التوك توك ورطه في المرور والشرطة
وعسكري بشرطه خد التوك توك وصادر وقاله «روح يا شاطر»
الحلم صبح مبتور.. التكاتك محبوسه بالدور
واقفة أسيرة طابور.. حواليها حرس وسور
وعليها قلبي محسور.. أكل العيش صبح محظور
وجوعنا وانكشف المستور
بشوفه من بعيد متسلسل بسلاسل حديد
متربط زي العبيد.. أشوفه الوجع يزيد
يوم خروجه يوم عيد ينكتب تاريخ ميلادي من جديد
لفيت كل الإدارات قلت لكبار الباشوات
التوك توك يا بهوات حل مشكلة المواصلات
والعاطلين والعانسات قالي أبوك السقا مات
يلا امشي من سكات هيه دي التعليمات
والتعلب فات فات والتوك توك مات مات
وف ديله جايه الشيكات و الحبس والأقساط
ولا عزاء للسيدات
أما أنت يا مسلماني يا وطني يا برلماني


إياك تقولي مصر تاني.. فيه مصر تانية ما بتعاني
ولا شايفاني ولا حساني.. كفاية كلام كفاية أغاني

ناس مين يابنى بالمنتدى ده اللى شارعين وحارة سد انا داخل مجاملة بس يابنى
وعلى العموم الناس فى صفى هاتلى واحد يعمل حاجه كده

[b] هو طبعا الواد صاحب التوكتوك ده صعبان عليا بجد عشان الكمبيلات ال عليه
بس يستهل مهو موش ادينى لفه بالتوكتوك
لكن اكتر حاجه عجبتنى ف الليله دى
إياك تقولي مصر تاني.. فيه مصر تانية ما بتعاني
ولا شايفاني ولا حساني.. كفاية كلام كفاية أغاني

امممممممممم
نورتى يا ست الكل
=========

منذ زمن فقد كتبت موضوع بعنوان يارتني ما بافهمش

وحقيقة لو وقفنا امام كل الامور بعقولنا لاصابنا جنون




ربما يحكم غايه البعض بما يسمى (الجنــــــــــــــــــــــــــــون)
اشكركم على هذا الطرح الجميل

كل التقدير لقلمكم الرائع

العقل .................أساس الناس

وقمة العقل لما تعرف تستهبل.......... أمتى

وتعقل أمتى ...............وتنفذ أهدافك أمتى

......................