ماتيجو نفتح قلبنا

اوقات كتير اووووووى بيكون صعب اننا نعبر عن مشاعرنا
مش فكرة اننا مش قادرين نعبر بالكلمات
بس احيانا بنقول لنفسنا ان اللى احنا بنحبهم حاسيين بينا
يعنى كفايه الاحساس
انهم عارفين انى بحبهم وانا متاكد من حبهم يبقى خلاص مش محتاجين كلمه بحبك
بس بالعكس
كل واحد مننا بيحتاج الكلمه دى يسمعها اوى
مش لازم تقولها لحبيبتك
او تقوليها لحبيبك
الحب مش مقتصر على المحبين العشاق فقط بيالعكس دا جزء بسيط اوى من الحب
الحب انك تحب الناس تحب اهلك تحب الجيران
تحب اصحابك تحب زمايلك
تحب اللى حواليك
اللى انت عايش معاهم
وبالتاكيد قبل دا كله
تحب نفسك
دى بالتاكيد مش انانيه منك لانك لو مقدرتش تحب نفسك اكييييييييييييد مش هتعرف تحب الناس

عارفين حاجات بسيطة اوى بتفرق معانا كتير
يعنى كلنا بنحب اهلنا
كل واحد فينا بيحب والدته ووالده
وبالتاكيد اخواته مهما كان زعلان منهم
بس تفتكرو لو فى مرة دخلت البيت وقلت لمامتك ماما انا بحبك اووووووى
فكرى معايا كدا لو اخوكى دخل البيت وكنتى زعلانه ولقتيه مهتم وبيسالك مالك زعلانه ليه
حسيتى باهتمامه ناحيتك
تفتكرى هيكون احساسك ايه؟

تخيل معايا وانت داخل البيت ومتضايق من حاجة معينه
ولقيت اختك جايه تقولك
انت ليه زعلان
تفتكر احساسك هيكون ايه؟

ايا كان الموقف اللى مضايقنا بالتاكيد هنكون مبسوطين اوى ان فى حد حاسس بينا
او مهتم بينا
يعنى مجرد كلمات بسيطة مش هتفرق معانا بنقولها بس بتفرق مع المتلقى للكلمات اوووووووووووى

حبيبتك مثلا لو كنت لسه شيفها من شوية صغيره
ورجعت شفتها تانى
ووحشتك
ليه متعترفش لها
ليه متقولش وحشتينى

حبيبك
تفتكرى كتير عليه انه يحس بحبك ليه واهتمامك بيه
تفتكرى كتير عليه انك تخصصى له جزء منك
من وقتك
من حياتك؟
ماعتقدش انه خسارة فيه اى حااااااااااااااااااااااااجة


يبقى ليه منقولش احساسنا
ايا كان
منخفش من الاحساس
هيحصل ايه لو جريت على صاحبك قلتله انا كنت لسه بفكر فيك حالا وانا فى الازمه الفلانيه؟
هيجرى ايه لو قلتى لصحبتك بجد انا بحمد ربنا ان ليا صاحبه زيك؟
صدقونى هتفرق كتير اوى الكلمات دى

بالتاكيد زى ماهم محتاجين مننا الكلمات
محتاجين يسمعوها
احنا كمان اوقات بتمر علينا بنكون محتاجين ولو حرف من اصحابنا يوقولنا فيه احنا معاكم
احنا حاسين بيكم
متخفوش
احنا واحد

بالتاكسد مش الكلمات بس هى اللى بتعبر عن المشاعر اكيد لازم الاحساس طبعا
بس بالكلمات بنعمق الاحساس دا

زى مابيقولو
اذا كان الكلام من فضه فان الصمت من ذهب
فانا بقولهم
اذا كان الصمت من ذهب فان الكلام هو لغه الاحياء
فمابالكم بلغه المحبين