لعبة قوة الملاحظة والذكاء MortimerSpookyManor جربها ومش هتندم

MortimerSpookyManor







مرحباً بكم إخواني وأخواتي الكرام

بصوا بجد عشان مطولش عليكم إلي هيحمل اللعبة دي مش هيندم أبداً

أنا قفلت اللعبة دي وكنت كل مديها لحد من أصدقائي يقفلها في نفس اليوم
ومنهم ناس كتيير مش من هواة الألعاب ,لكن اللعبة بتشد الواحد بشكل
كبيييييير

يعني من الأخر لو زهقان وعايز تتسلي أو عايز حاجة تشدك وتخرج من مودك أو
لو عايز تنمي ذكائك فعليك بتحميل اللعبة دي (خايف أقولكم أكتر من كدا
لتقولوا هوا مالة بيعمل دعايا للعبة كدا ليه)

اللعبة يا جماعة عبارة عن فيلا أنت بتدخل كل بيت فيها بتخلص كذا غرفة
,الغرف دي المطلوب منك إنك تدور علي حاجات معينة وتجمعها وبعد متجمها او
أثناء تجميعها تدخلها في شيء في الغرفة ,وعشان تعمل دا انت ممكن تاخد حاجة
من غرفة لغرفة تانية عشان تاخد حاجة ناقصة

مثلاً أنت مطلوب منك تجميع أجزاء مراية ,لقيت أنت دلوقتي كل أجزائها ماعدا
جزء واحد ,وقدامك نار وفي الغرفة التانية حنفية وانت معاك إناء كنت جمعتة
يبقا تفهم من كدا انك تاخد الإناء الغرفة التانية تملي المية وتطفي النار
عشان أكيد جزء المراية مرمي بجانب النار دي وهكذا من ألاعيب اللعبة دي



[ندعوك للتسجيل في المنتدى أو التعريف بنفسك لمعاينة هذا الرابط]

أو

[ندعوك للتسجيل في المنتدى أو التعريف بنفسك لمعاينة هذا الرابط]