بحبك مش هقول تانى

انسحابى من حياتك
مش عشانى لآ عشانك
حبى ليكى كان انتحار
كان بداية الانكسار
خلانى ادوق طعم المرار
وانسحبت
......................
غصب عنى ياحبيبتى
ياجنونى
ياهدوئى
يادوايا
يامليكتى
.......................
البعاد كان بيننا لازم يوم هيحصل
قلت اقرب بالنهاية
واختم بايدى صفحات البداية
قلت اعجل بالنهاية
لاجل ميكونش فى جرح وشقى
.........................
اسف حبيبتى مفيش لقا
مع ان قلبى بيبكى فراقك
وبالرغم من كدا
قدرت ادفن ذكرياتى فى قبر حبك
.......................
انسى حبيبتى انك فى يوم كنتى حبيبتى
بس اعذرينى
لو سمعتى يوم همسة باسمك
لو شفتى يوم نجمة حزينة فى بحر قلبك
لو فى يوم ضى القمر مقدرش يخرج
اعذرينىمانا هعيش طول عمرى احبك
ياحبيبتى
ياجنونى
ياهدوئى
يامليكتى
.........................
لأ برافو قدرت اصدق
استاذ بجد عرفت تلعب خلتنى اصدق
جاى تقولى لسة بحبك
جاى تقلى هتفضلى هدفى فى دنيايا الحزينة
جاى تقولى لسة حبك هوة املى
جاى تقولى لة حبك هوة السفينة
اللى سايبها ترسى بيّا فى اى مينا
............................
جاى تقولى ع الفراق
كان بيننا حب
كان فى هجر
واشتياق
ووعود
وفراق
وميعاد
ولقا
ونسيان
وشقا
وجرح
والم
وبسمة
وندم
وهوى
ونسيان للالم
.....................
ايوة بحبك بس عمرى مايوم افكر
انى اكون لك
او ابقِى يوم على ذكرى قلبك
ايوة بحبك
بس انت خنت
وبعت
ورضيت بفراقى
وبعادى
لأ وجرحت
وبعت فى وقت مانا اشتقت
يوم ماحتجتك قلتلى اسف قبل ماقولها
يوم ماتنازل وافكر اقولك انى محتاجة لك
جاى تقولى بعاد وفراق وهجر
............................
اعذرنى انت عمرى ماقول تانى مشتاقالك
عمرى ماقول يوم محتاجالك
ايوة بحبك
ايوة هحبك
بس قلبى يوم مايعلا
مش هيغلى عن كرامتى
وكبريائى
واحساسى بقيمتى
..............................
ايوة بشتاق لقلبك
ايوة برتاح جوة حضنك
ايوة بعشق نظرة عنيك
بس اعذرنى
انت اخترت
وانا قدرّت
لازم نبعد
لازم تجرح ولازم اسكت
........................
انسحابك من حياتى هسيبة ذكرى
وعلامة دايمة تسكن اهاتى
انسحابك من حياتى صدقنى عادى
بس رجع ليّا قلبى اللى انت خدته
والا اقولك
خد كل شئ
مش عايزة شئ
يعيش معايا م اللى انت قلته
واللى انت عشته
خد قلبى معاك
وحبى
واشتياقى
بس انسى
انى اكون تانى حبيبتك

karmen