شوف الرخامه(اسئله بديهية)

فى اسئلة بديهي ملهاش اى لازمه فى الدنيا بنتعرض ليها كل يوم من كل الناس خلينا نشوف امثلة
*انت فى اوضتك..على السرير وطافى النور ومتغطى
يجى اخوك الظريف ويفتح الباب عليك ويقول:ايه ده انت هتنام ولا ايه؟
((اظن دا مش وضع الرقص...واضح انى انا هنام))

*انتم معزومين عند نا ورحتوا لبيتهم واول مافتحولكوا الباب يقول ابنهم الصغير :انتوا جيتوااااااااااااااا؟............((لا لسه))

*والعكس انت لابس هدومك ومتانتك وعلى سنجة عشرة وريحة البرفان واصلة للآخر الشارع ..وخلاص بتفتح باب الشقة يجى حد من اهلك وينادى بصوت عالى :انت خااااارج ولا اييييييييه؟.......((لا دانا لسه راجع))

*راكب العربيه ودورتها وخلاص هتطلع ..يجيلك البواب ويخبطلك على الزجاج انت بكل ذوق تفتح الزجاج وتقوله:خير فى حاجه؟
يقولك:انت رايح الشغل يابيه؟..........((لا.. العربية وحشانى))

*مثلا انت ماسك سماعة التليفون وقاعد تضغط الارقام يجى حد من اهلك ويقولك:انت هتتكلم فى التليفون.............((لا..بتفرج عليه))

*مثلا:ماسك مذكرة او كتاب وقاعد تحفظ ومتحمس(ااول مرة بقى)..جه حد من اهلك وقالك:هاه..قاعد تذاكر؟............((تقوم رامى الكتاب وتقوله لاااااااااااااااء))

*ربنا هداك كده وماسك سبحه وعمال تسبح يجى حد من البيت يعدى عليك ويقولك:هو انت بتسبح؟.........((لاء هفرطها واسلقها))

*لا وشوفوا قنواتنا واسئلتهم البديهيه البايخه
برنامج اهداءات يتصل واحد يطلب اغنية
ترد عليه ست الكوتكوته(المذيعة)بكل خفه ورشاقه:انتا بتحب الاغنيه دى ولا ايه.........((لاء.طالبها اخنق على نفسى))

*فى العيد بفى
المذيع:ههههههه هههههههههه ههههههه نتعرف بيك
المواظن:فلان الفلانى
المذيع:ههههههههههه ههههههه هههههههه بتقول ايه للاهل ههه وصحابك ههه وقرايبك ههههه والناس الى انت مخاصمهم كمان؟ههههههههههههه ههههههههههههه ههههههههههه
المواطن:اقولهم كل عام وانتم بخير........((اكيد يعنى مش هقولهم البقاء لله))

*المذيعه الظريفه:وياترى بقى هتعملوا ايه العيد ده هتقضوة ازاى
اكيد بيبقى زيارات الاهل والاصحاب وتخرجوا تشوفو مظاهر العيد فى الشوارع وتفسحو ا اولادكم ونتصل بالمعارف نعيد عليهم ونقولهم كل سنة وانتوا طيبين
((سبتيله ايه يارخمة؟))